SÍ - Fleyr

03-02-2010

JPaS skrivar: Í kvøld verður hol sett á síðsta triðingin í landskappingini hjá kvinnunum í flogbólti. Hetta merkir at stigini eru koyrd í helvt, og nú er spenningur av álvara komin í landskappingina aftur.

Støðan í landskappingini sær soleiðis út:

SÍ 11
TB 9
Mjølnir 8
Fleyr 7
Dráttur 6
ÍF 2
KÍF 0

Kvinnurnar hjá SÍ skulu royna at reisa seg aftur eftir tapi í vikuskiftinum. Mikukvøldi kemur Fleyr á vitjan, sum liggur á fjórða plássi, 4 stig aftan fyri SÍ, ið liggur á fyrsta plássi. Liðini hava leikt tveir dystir ímóti hvørjum øðrum hetta kappingarárið og har vann SÍ báðar dystirnar. Heimadystin vann SÍ 3-0, og útidystin vann SÍ 3-1. Dysturin, ið var leiktur í Tórshavn, var sera spennandi, so lagt verður upp til eitt satt oddabrak.

Dysturin verður spældur í kvøld kl.19.00 í fimleikarhøllini í Sørvági.